((قصيدة بنت في ليلة زواج حبيبها))

من طرف زائر الأربعاء يوليو 23, 2008 7:57 pm

جاني الخبر يا صاحبي واظلم الكون

قدام عيني ثم نطقت الشهاده

على العموم أقولها ألف مليون

مبروك من قلب شكالك ابعاده

مبروك لا يهمك سواليف وضنون

من عاشق يهديك فرحة فؤاده

سو الفرح اليوم وابليس ملعون

واللي يشب النار يجني رماده

أنا أول العالم على القصر يلفون

أول معازيم الفرح والحداده

ابشر انا برقص على العرس بالهون

كل يعبر فرحته باجتهاده

لو البلا رقصي يقولون مزيون

المشكله القلب يفضح وداده

يوم العذارى في دخولك يغنون

وعروستك باحلى ثواني السعاده

كنت أتمنى بدالها والله أكون

وأحط أنا كفي تحت راسك وساده

واشلون ابكتم صرختي يوم تمشون

تكفى ..خذني للعروسه قلاده

حتى معازيم الفرح قامو يمشون

وأصبحت أنا وحدي بدون استفادة

وطفو علي النور من غير يدرون

قصر الفرح يا قبر(......) ومهاده