مره مره بوعين سوده واسعه منقره@@@

اذهب الى الأسفل

مره مره بوعين سوده واسعه منقره@@@

مُساهمة من طرف العاشق الشرقاوى في الأحد يوليو 27, 2008 10:44 pm

مره مره ... بو عين سودة واسعة منقرة .. يّحوس مدار العقل
إيضيق الخاطر ... وتبقى دمعتى تهذل هذيل القاطر
وانحوس حوست العيل اللى مو فاطر .. بكاي وامه واحله فى شره
امغير نا جروحي حامه تساطر ... وابكاي جكوره وحملى ثقيل امعرا
ومتضايق سما عقلى وغيمه ماطر ... اسيوله اتطوح فى العلاوى بره
مره مره ... بو عين سودة واسعة منقرة .. يّحوس مدار العقل
مرات مانى صايف ... انجود فالعلل تسمع كلام طرايف
ويخطر اعيون اللى مسيك لافايف ... عالحال ننعكس واسبابها من جره
لااجل امخلف لى غلاه حسايف ... منشاب لوعته مازلت ذايق مره
مولى المـّجدل عالكتوف ستايف ... اللى لقعدته ماعد اتعود الكّره
مره مره ... بو عين سودة واسعة منقرة .. يّحوس مدار العقل
مرات نبقى طارب ... ومرات تبقى راكبه العقارب
نبقى منعكس حايس وجوى خارب ... بلا امواخذة مانك اللى اتورا
لااجل عزيز سموم ناره شارب ... شربة برود فى غمقة الصيف وحّرا
اطرى لى كما مطرى زعيم امحارب ... وجاه ظلم ماللى مالكين الذره
حتى وهم ايقولوا فالحياة تجارب ... فالكون شئ غامض ماعرفنا سره
مره مره ... بو عين سودة واسعة منقرة .. يّحوس مدار العقل
مرات كيف اتجينى ... تلقا الجو صافى والبحر غليني
وان هفو على اعزاز لاتطرينى .. مالعقل نبقى ما اقرام انصره
ماشى ورا اللى ماشيين بدينى ... لابا ايعاود لا انريد انزره
رخوة قزاز على صفا راخيني ... ورا بو جدايل كى نخيل اجخره
مره مره ... بو عين سودة واسعة منقرة .. يّحوس مدار العقل
مرات يصفا جوي ... ومرات بدراه الكبد يقطف نّوي
من ياس جاير عالغلا متحوي .. خذاه غصب بطش ذراع ساعة غره
المطرى اللى نوم العيون امشوي ... نين من امراره للبكاء منطره
مره مره ... بو عين سودة واسعة منقرة .. يّحوس مدار العقل
مرات يبقى ديما ... قارن ابكاها يا امحوجب ميمه
تبقى ساكبه سكبة عزوز يتيمه ... العين عالغوالى فالبكا هى حره
غبى وين تقرن ليلها بجهيما ... واتوق شمس لمباكر وهى منهره
انكان هو الدمع ايجيب عين الريمه ... تعتا زواعب عالخدود اتشّره
...مره مره ... بو عين سودة واسعة منقرة .. يّحوس مدار العقل
avatar
العاشق الشرقاوى
مشرف قسم

عدد المساهمات : 68
تاريخ التسجيل : 24/07/2008
العمر : 108
الموقع : قلبك الدافئ

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى